Chris MacDonald kajumissaarineq pillugu
Chris MacDonald saqqummiigami piumassutsimut tunngasumik, AWG2016-imut suliaqartunut tamanut, 13. maj 2015 TelePost Søkabelstationiani. Chris saqqummiuppai suut pingaaruteqarnersut piumassuseqarnissamut, pingaarnerillu ukuupput:
· M.O.O. ”Mennesker Omkring Os”, tassa inuit akornatsinniittut, immitsinnut tapersertortariaqartugut. Pingaaruteqarpoq nuannersumik kiinnersinnaaneq, inuit pisariaqartitsigatta pisut assigiinngitsut nuannersut minnerpaamik pingasoriaammik amerlanerusariaqartut, nuanniitsuninngaaniik. Ajornanngippat arfinileriaammik amerlanerullutik.
· Piumassutsimik suliaqartoq maluginiarneqassasut, qujamasuutigissavarput ikiuunnerannut, qiimmassarneqartassapput soorlu pattalaarlugit imaluunnit highfive-ilaarlugit. Piumassutsimik ikiuuttut malugissavaat allanngueqataallutik.
· Nuannersumik oqalukkaanni, amerlasuutigut illalaarnertaqartumik pisarpoq. Allallu isaaneq takutilaarnissaa suliap pingaartarluni, piumassuseq aamma takkuttarpoq suliaq siunertaqaraangat.
· Suliarisat siunertaqartariaqarput, siunertaqanngitsutut misigigaanni piumassuseqarnavianngi-lagut.
· Timip oqariartuutai maluginiarnissai, timerput misigissutsikkut arfinilinnik ataqatigiimmik aaqqissugaavoq: 1 UJARTUINEQ, 2 ERSINEQ, 3 KAMANNEQ, 4 ISUMASSUINEQ, 5 ISUMATSANNEQ, 6 PINNGUARNEQ.
· Sinik aalajangiisuuvoq pissusilersornitsinnut. Qarasatsinni qaatta nalaani saamerleq sulerpiarneq ajorpoq sinnakissimagaangatta, taannalu qiimasunik nuannersunillu eqqarsartitsisarpoq. Sinnakissimaguttalu talerpiatungaa sulinerusarpoq, annilaangatitsisoq, kukkunernillu maluginiiatitsisoq.
· Eqqaamallugu inuit annukujuppata qasullutik, takutiinnarpaa inuinnaasut, taavalu nukissaqanngitsut inussiarnernissaminnut. Qarasaata saavaniittoq saamerleq sulerpianngimmat.
· Annilaangassutaasartut 90%-ii piviusunngorneq ajorput, taamaammat sinilluarnissaq pingaaruteqarpoq. Sinnakissimaguttalu suleqatigisat paasitinnissai pisariaqarpoq, paasiniassammassuk qasugutta. AWG nalaani sinnakissinnaasassaagut, kisianni kingulliarneq atorluarneqarsinnaavoq, soorlu 90 min sinilaarluni.
· Eqqarsarnarpoq akunnerit 4-maannaat sinissamagaanni timerput pissusilersortarpoq putumasutut.
· Ulapikkaanni assut, stresserlunilu, pingaaruteqarpoq ajunngitsumik qisuariarnissaq, qisuariarneq akiuunneq atorlugu, qimaaneq atornagu, taavalu ikinngutinnerneq atorlugu. Ilagullu ulapittut kaammattorlugit akiuukkusussusermik tuniniaalullugit.
· Pissusilersuuterpoq aquttuaannarsinnaanngilarput, kisianni akisussaaffigaarput!
· Pitsaanngilaq suliaq nuannarisaq naammassippat oqiliallakkaanni – eqqarsaatissiaq qanoq qisuariarnissamut taavalu qanoq nukissamik pilersitsisinnaanermut, imminut taavalu avatangiisinut, nammineq qisuariarneq atorlugu.
· Piumassuseq pilersinniaraanni/pigiinnarniaraanni uku pisariaqartinneqarput: SIUNERTAQ, ANGUNIAGAQ, PISSUSILERSUUT – M.O.O. (Inuit Akornatsinniittut, ilaanerat maluginiarlugu, qiimmassaqatigiillutalu, soorlu high fives atorlugit)
· Maluginiartariaqarput assigiinngitsut pinngortitamiik isumaqatigiinniassutigineqarsinnaanngim-mata piumassutsimut tunngatillugu.