Sulliveeqqat pilugit apeqqutigineqartartut akissutaallu

Workshopimi skemat allanngortinnissai
Skemat tunniunneqarsimasut allanngortinneqarsinnaanngillat. Workshopit assigiinngitsut tunniunneqarsimasut tamarmik allakajaallutillu soqutiginartuupput misigisinnaasatit. Workshoperfissannut aggerina nuannersunullu pissanganartunut peqataallutit.

Workshopinut skemat
Meeqqat workshopernissaminut peqataassalluni nalunaarnikuua, kisialli skemassani pisimanagu? Taava Susanne Rasmussen attavigisiuk uani susanne@awg2016.gl. 

Sulliveeqqani kina peqataasinnaava?
Nuummi meeqqat atuarfianni 4. klassimiit 10. klassinut atuartut

Qaqugu ingerlanneqassava?
7.-10. Marts 2016, kl. 09.00-11.00 og 13.00-15.00.

Peqataaneq akeqarpa?
Sulliveeqqani peqataaneq akeqanngilaq.

Sumi ingerlanneqassava?
Ilimmarfik: Arctic Sport, Performance, Qitik, Oqaluttuarisaaneq, Eqqumiitsuliorneq
NUIF: Performance, Qitik
Nunatta Isiginnaartitsisarfia: Oqaluttuarisaaneq, Performance
Kittat: Mersorneq
Nuuk Kunstmuseum: Eqqumiitsuliorneq
Illorput: Performance aamma Assilialiorneq

Peqataasut apuuffissannut ingerlanneqarnissaat isumagineqassava?
Peqataasunik sulliveeqqanukaassisoqassanngilaq, kisianni sapaatip akunnera taanna atuartut bussinut klippekortinik tunineqassapput, akeqanngitsumik, taannalu atorlugu sulliveeqqanukarsinnaapput pinnguaatertunullu isiginnaariarsinnaallutik.

Peqataasussat nerisassaqartinneqassappat najoqqagassaqartinneqarlutillu?
Peqataasussanut nerisassaqartitsisoqassanngilaq najoqqagassaqartitsisoqaranilu. Atuartut namminneq nerisassaminnik nassarnissaat kajumissaarutigineqarpoq. Ilimmarfimmili peqqinnartunik tamulugassanik pisisoqarsinnaassaaq.

Sulliveeqqanut peqataaniarluni qanoq nalunaartoqarsinnaava?
Peqataanissamut nalunaarniarluni immersugassaq atuarfinnut Atuarfik Samuel Kleinschmidt, Ukaliusaq Skolen, Nuussuup Atuarfia, Atuarfik Hans Lynge, Kangillinnguit Atuarfiat aamma Nuuk Internationale Friskolemut agguaanneqarnikuupput, ilinniartitsitsisullu atuartunut agguaassinikuullutik.

Peqataanissamut nalunaarniarluni immersugassaq kimut tunniunneqassava?
Atuartut ilinniartitsisuannut kingusinnerpaamik pingasunngornermi februaarip 17-anni peqataanissamut nalunaarniarluni immersugaq tunniunneqassaaq.

Qaqugu atuartut paasisaqassappat suut peqataaffigissaneraat?
Atuartut ilinniartitsisuminniit sulliveeqqanut pilersaarusiaq tigussavaat ataasinngornermi februaarip 29-anni. Atuarfiit ilisimassavaat atuartuutitik sapaatip akunnera taanna sumiinnersut, atuarfiup pisortaata pilersaarusiat taamaasa tigussammagittaaq.

Sulliveeqqat qassit atuartut peqataaffigisinnaavaat?
Atuartut minnerpaamik sulliveeqqani marlunni peqataanissaminnut periarfissaqarput. Assigiinngitsut qassiussanersut apeqqutaassaaq qassit sulliveeqqanut peqataanissaminnut nalunaarsimanersut.

Silarluppat sammisaqartitsisussalluunniit arlaat napparsimappat susoqassava?
Angajoqqaat kajumissaarneqarput nittartagaq www.awg2016.org sapaatip akunnera taanna malinnaaffiginissaa, sulliveeraq sulliveeqqalluunniit arlallit taamaatiinnarsimanersut. Allanngutit tamarmik AWG2016-ip nittartagaani atuarneqarsinnaapput.

Atuartut sulliveeqqanukarsinnaajunnaarunik pisinnaajunnaarlutik nalunaartariaqarpat?
Atuartut pisinnaajunnaarunik nalunaassanngillat.

Atuartut aalajangersimasunik sulliveeqqanut atisaqassappat?
Sulliveeqqat immikkut tamarmik eqqumaffigineqassapput, soorlu ass. sulliveeqqani qititsitsinermi timersortitsinermilu timersuuteqarunik pitsaanerussaaq, taamatuttaaq eqqumiitsuliornermi atisat qalipaatitertoorsinnaaneranni eqqumaffigineqassapput. Taamaattumik eqqarsaatigineqassaaq, sulliveeqqani aalajangersimasuni, suut atisat atussallugit tulluarnersut.

Sulliveeqqat pillugit suli allanik apeqqutissaqaraanni kina saaffigineqassava?
Susanne Lynge Rasmussen, mail: susanne@awg2016.gl.

Sulliveeqqani atuartoq ajoqusissappat, akisussaaffik sumiippa?
Nammineq akisussaaffigineqassaaq sulliveeqqani peqataaneq, taamaattumik AWG2016-ip akisussaaffigissanngilaa, atuartut arlaannik ajoquseraluarpata.