Tapeeriaaseq – ilisarnaataa Nanoq Kr. 1 mio. qaffasinnerusorluunniit

Aajuku tassa matumuuna sponsorigut pingaarnerit, aamma taasartakkagut Nanoq sponsorit:

"Nunatsinni inuiaqatigiinnik siuarsaanermut TELE-POST peqataajumavoq. AWG nunatsinni aaqqissuussat annersaraat, iluatsissappallu inuussutissarsiornermik ingerlatalinnit tapersersorneqartariaqarpoq. AWG nunatsinni piginnaanilinnut annertuumik iluaqutaasumik siuarsaaqataassaaq, uagullu sullississutigisatsinnik pingaarnernik, tassaasunik nalunaarasuartaateqarnermik siammarterinermillu, tapersiinitta saniatigut, pimoorussinitsinnik aammalu sulianik aqutsinermik piginnaasalinnillu siuarsaanermik ilisimasaqarnitsinnik tapersiissaagut."

"GrønlandsBANKEN Kalaallit Nunaanni aningaaseriviit annersaraat. Aningaaserivittut tamakkiisumik sullissisutut, ullut tamaasa nuna tamakkerlugu aningaasaqarnikkut sullissillutalu, piginnaasaqarluartunik siunnersorteqarpugut. Kalaallit Nunaata ineriartornera, nunap tamarmi GrønlandsBANKiata tapersersorpaa. Taamaammat Kalaallit Nunaata timersornikkut, kulturikkullu aaqqissuunniagaa aningaasatigut, kiffartuussinikkut, sulisoqarnikkullu tapersersorparput."

"Kalaallit Nunaanni inuiaqatigiit ineriartortuarput, taassumalu nassatarai projektit angisuut mikisullu. Mentorix projektilerineq pillugu pikkorissaanernik immikkullu siunnersuinermik ingerlataqarpoq, siunnersuisartugullu suliaminnut pikkorinnerpaanut ilaapput. Anguniartuarparput piginnaasanik piujussanik ineriartortitsinissaq, suliassanillu ineriartortitsinitsinni inuup ineriartoqataanissaa pingaartipparput, taamaattumillu oqaatsit "Moving Minds" najoqqutatut atorpavut. AWG tapersersorparput isumaqaratta aaqqissuussaq allannguinermik pitsaasumik pilersitsisinnaammat ataatsimoorneq, timersorneq, kulturilu aqqutigalugit."

"Aaqqissuussaq Arctic Winter Gamesitut angitigitillugu pisariaqarpoq tamatta pisinnaasatsinnik tapersersuinissarput. NunaFondenip nuannaarutigalugu AWG2016'mi kulturikkut pisussat tapersersorpai.Taamaaliornikkut NunaFondenip Kalaallit Nunaata kulturia immikkuullareqisoq tapersersorpaa, Kalaallit Nunaata ilarujussuani inuiaqatigiinnut sunniuteqartussaq."

"Mittarfeqarfiit AWG2016-p tapersersornissaa aalajangersimavaa, nunat tamalaat akornanni suleqatigiinnerit mittarfinnut inuiaqatigiinnullu kalaallinut nalilinnik pilersitsisarmata. Mittarfeqarfiit neriupput, AWG-mi peqataanitsigut kalaallit attaveqatigiissutaat suluusalinnut mittarfiit 13-it qulimiguulinnullu mittarfiit 46-t timersornikkut annertuumik aaqqissuussinernut, inuussutissarsiornermi suliniutinut ataatsimullu inuiaqatigiinni kalaallini ineriartornermut pitsaasumik ineriartornermut takutitsissutigisinnaallugit."
 

"Royal Greenlandi Kalaallit Nunaata suliffeqarfiutigaa nunarsuaq tamakkerlugu siaruarsimasoq aammalu kalaallinut inuiaqatigiinnut iluaqutaasumik aalisarnermik, tunisassiornermik kiisalu aalisakkanik nunarsuarmi pitsaanerpaanik tuniniaanermik aallussaqartoq. Inuiaqatigiinni akisussaaqataanerput aallaavigalugu AWG2016 tapiissuteqarfigaarput. Tapiissuteqarnerput ikiorseeqatigiinnertut paasisariaqarpoq, tassami inuusuttunut timersortartunut, najukkami inuiaqatigiinnut aammalu kalaallinut inuiaqatigiinnut ikiorsiinerummat."

"Allaffissornikkut aaqqiissutit Qaanaami, Papua New Guineami Port Moresbymi, Games aamma Event Management System-ip atorneqarnera – KIMIK iT-p ineriartortissimasaa GEMS.pro tassaavoq timersuutinik ingerlatsinernut annertuunut aaqqiissutini piumaneqarnerpaaq. Atuisuulersussat pisariaqartitaat aallaavigalugit assigiissakkatut, eqaallisakkatut allaffissornikkut toqqammavissiaavoq. KIMIK iT tulluusimaarutigisaminik, arfineq-pingajussaannik Arctic Winter Games-imut tapersersueqataavoq."

"Inuuniarnermi pinngitsoorneqarsinnaanngitsunik pilersuineq aqqutigalugu nuna siammasissorujussuaq KNI-mit ataatsimoortinneqarpoq. Kalaallit Nunaat tamakkerlugu nioqqutissanik ulluinnarsiutinik taaneqartartunik, nioqqutissanik attartuunik ikummatissanillu pilersuineq isumagisaraarput. KNI A/S-ip Artic Winter Games 2016 tapersersorpaa suliniut angisoorujussuummat inuusuttortatsinnullu pingaarutilerujussuulluni. Issittormiut unammiuaaqatigiinnissaat Arctic Winter Games 2016 kalaallit inuusuttortatsinnut tamatsinnullumi nunarsuatsinnut alakkaamasaqarnerulernissatsinnik ammaassisuuvoq."

Ukiut 200-jut sinnerlugit issittumi imarsiornermik misilittagaqareerluta oqaatigisinnaavarput tamanna suliassaanngimmat kimilluunniit imaluunniit umiarsuarmit qanoq ittuugaluartumilluunniit. Uagut tassaavugut najoqqutassaq nunatsinnik attaveqalersitsisuusoq. Attaveqaat Kalaallit Nunaanni inuiaqatigiinnut tamanut pilersuisuusoq. Arctic Winter Games tapersersorparput nunani issittuni timersorneq, sunniivigeqatigiinneq kulturilu kattuttillugillu nalliuttorsiutigerusukkatsigit. AWG tassaavoq nunani issittuni kulturikkut timersornikkullu aaqqissuussaq peqataaffigissallugu tulluusimaarutigisarput.

Pisiffiup tulluusimaarutigaa AWG2016-imut peqataanini, nerisassaniik siniffinnut taperseeqataalluta. Peqataanissaq pingaartipparput takutissallugulu suna tamarmi Kalaallit Nunaanni ajornanngitsoq, ataatsimoorluta suleqatigiinnitsigut. Tamaattumik AWG2016-imut Pisiffiup pisiniartarfiata immikkoortortaqarfini
neqeroorutigisimavaa. Neriuutigaarput AWG2016-ip aqqutissiuukkumaaraa Kalaallit Nunaanni timersornermut aammalu nammineq kajumissutsiminnik ikiuukkusunnermut kulturi, tamaasilluta siunissami aaqqissuussinerit annertuut Nunatsinnut piniassammata. Tamatumunnga ataatsimoorussamut peqataarusuppugut.