Kalaallit Nunaat

Kalaallit Nunaat nunarsuarmi qeqertat annersaraat. Sermersuup nunap 80%’itaa qalleqqavaa, nunallu qeqqani inissisimalluni. Nunap sineriaani inuit 56,000’t najugaqarput. Kalaallit Nunaat issittumiippoq orpeqanngitsoq nunataa alianaalluni, imaani iluliaqarluni kusanaqisunillu qaqqarasaarluni. Kalaallit Nunaat nujuartanik uumasoqarluarpoq, inuillu ilai ilaatigut piniagassanik imminnut pilersorlutik. Aningaasarsiorfik annertunerpaaq tassaavoq aalisakkanik avammut tunisassiorneq. Aatsitassarsiorneq aallartisarneqaleruttorpoq. Kalaallit Nunaatalu ukiumut takornarissat tusind’tilikkaat tikeraartorisarpai. Aasakkut avannaani seqernup kaaviinnalernera takusinnaavat imaluunniit ukiukkut qimusserlutit misilissinnaavat. Kalaallit Nunaata kujataata naggorinnera periarfissagissaartitsivoq nunami pisunnissamut. Kalaallit Nunaanni illoqarfiit pingaarnersaat tassaavoq Nuuk.

Nuuk - Urban Greenland

Nuuk tassaavoq Kalaallit Nunaata illoqarfiit pingaarnersaat anginersaallu ineriartorluartoq, inunnik 16,000’nik najugaqarfigineqarluni. Nuummi misigisinnaavatit akerleriiaat, soorlu pissusitoqqat malillugit periuutsit nutaaliaasullu, aammattaaq misigineqarsinnaapput akerleriit pinngortitaq illoqarfissuarlu. Illoqarfik Nuuk qaqqanik ungalisimaneqarpoq immap eqqaaniilluni, arlalinnillu pisiniarfeqarlunilu neriniartarfeqarpoq. Piffik pitsaalluinnarpoq kulturi pinngortitarlu ataatsikkut misigerusukkaanni. Saqqummersitsiviit assigiinngitsut imaluunniit Nunatta Katersugaasivia iserterfigisinnaavatit, imaluunniit filmertarfimmi isiginnaariarsinnaavutit. Aammattaaq Malimmut nalukkiarsinnaavutit imaluunniit qaqqani pisuttuanngikkuit sisorarlutit.