Arctic Winter Games (AWG) tassaavoq Issittumi inuusuttut assigiinngitsunik timersorlutillu kulturikkut katerisimaaqatigiinnerat nunarsuatsinni annerpaaq. AWG ukioq allortarlugu nunap arlaata immikkoortortaani imaluunniit issittumi nunat ilaanni, sapaatip akunnerata miss. sivisussusilimmik ingerlanneqartarpoq. AWG timersorfittut, katerisimaarfittut kiisalu kulturilerifittut persuarsiorfiusarpoq. AWG kulturit assigiinngissutaannik ersarissaataavoq timersortartullu fair play naapertorlugu ineriartornissaannut periarfissiilluni.
AWG-p nunat issittumiittut katersuutsittarpai ileqqutoqqallu naapertorlugit Issittumi Timersuutit/Arctic Sports kiisalu Dene Games pinnguaatigitittarlugit.  
   
Nunat uku peqataasunut ilaapput: Alaska, Yukon, Northwest Territories, Nunavut, Nunavik, Albertap avannarpasinnerusortaa, Sapmi, Yamal kiisalu Kalaallit Nunaat.