Arctic Winter Games International Committee tassaavoq unammiuaarnerni anersaarisaq (filosofii) kiisalu tunngavigisat salliutillugit aqutsisoqarfik.  AWGIC-p isumagisassaasa ilagaat, unammiuaarnerit sumiinnissaasa aalajangernissaat aaqqissuisuusussallu ikiornissaat kiisalu AWG-p qanoq isikkoqartinnerata nakkutiginissaa. Ataatsimiititaliaq 12-inik ilaasortaqarpoq, unammiuaarnerni ilitsersuisuullutillu najoqqutassiisartunik.
Taakkua ukiumut sisamariarlutik ataatsimiittarnerminni nunat unammiuaarfissatut neqerooruteqarneri nalilersorlugillu suliarisarpaat. Tamatuma saniatigut taakkua aamma politikki suna malittarineqassanersoq, suut unammiuaarutigineqassanersut, taakkunani malittarisassat, saqqarmiussat, isumaqatigiissutit piumasarineqartut il.il. isumagisarpaat.

Arctic Winter Games International Committee-mi ilaasortat nunanit sinniisaaffigisaminnit toqqarneqartarput.  

Ilisarnaat
Nunat assigiinngitsut Ataatsimiititaliaata ilisarnaataani nigalerit pingasut timersornikkut unammiuaarnermut, kulturikkut nittarsaanermut kiisalu inuiaqatigiit issittumi najugallit katerisimaarnerannut assersuutigitinneqarput. Neriusaat qernertumik tunuliaquserlugit unnuami qilattut tunuliaqutaapput. Issittoq assersuuserlugu ilisarnaat nigalimmik qaqortumik sinaakkuteqarpoq.  

Paasisaqarnerorusukkuit una linkeq alakkarteruk: www.arcticwintergames.org.