AWG2016-ip ingerlanneqarnissaanut atatillugu Royal Greenlandip tapersersugaanik inuusuit 18-iniit 24-t tungaannut ukiullit maanna immikkuullarissumik periarfissinneqarput.
 
Siunertarineqarpoq AWG2016-imi misileraammik suliaqartoqassasoq, Inuusuit Kivitsisussanik pilersitsiviusumik. Inuusuit Kivitsisussat sulianik aqutsinermik, sullissinermik, tuluttut oqaatsinik, inuussutissarsiornermik, kajumissutsimik suliaqarnermik aamma issittumi kulturimik samminniffiussaaq. Inuusuttut ilinniaqqinnissaminni sulinissaminnilu, aammalu kajumissutsiminnik sulinissaminni atorsinnaasaannik tuniorarnissaat anguniagaavoq.
 
Royal Greenland aningaasaliisoralugu tapersersortigalugu Inuusuit Kivitsisussat piviusunngortinneqarpoq:
-        AWG2016-imut aningaasaliinerput inuusuttunik tapersersuinissamut periarfissatsialattut isigisimavarput. Inuusuit Kivitsisussanut aningaasaliinitsinni inuusuttut nunatsinni sumiiffinniit assigiinngitsuneersut piginnaalersinneqarnissaannut tapersersueqataavugut. Nammineq kajumissutsiminnik sulineq piginnaanngorsarnerlu immikkuullarissoq inuusuttunut siunissami ingerlaqqinnissaannut iluaqutaanissaa qularinngilarput, Royal Greenlandimi tuniniaanermut pisortaq Malik Hegelund Olsen oqarpoq.
 
AWG2016-i Northwest Territoriesip (NWT) inuusuttunut sinniisunik suliniutaanit isumassarsitinneqarpoq. Suliniut pitsaasunik kinguneqarsimavoq, NWT-imilu inuiaqatigiit ikitsunnguit akornanni inuusuttut akornanni maligassiuisunik pilersitsiviulluni. 
 
Inuusuttut 30-t peqataanissaat pilersaarutaavoq. Inuusuit 20-t nuummiit qulillu nunatsinni sumiiffinniit allaninngaanneersut. Peqataasut februaarip 29-aniit marsip aqqarngata tungaanut Nuummiissinnaassapput, taamaalillutik pikkorissartitsinermut aamma AWG2016-imi kajumissutsiminnik suleqataanissamut peqataasinnaassallutik. 
 
Inuusuttunut qinnuteqarfissaq kingulleq tassaavoq 2015-imi novembarip 16-iat.
 
Paasisaqarnerorusukkuit uunga saaffiginnissinnaavutit:
-        Arnakkuluk Jo Kleist, AWG2016, arnakkuluk@awg2016.gl, 38 20 17.
-        Malik Hegelund Olsen, Royal Greenland, malo@royalgreenland.com 36 13 02.