Kajumissutsiminnik suleqataasut immersugassaanni immersugassat sinneri maani  atuarsinnaavatit. Pingaaruteqartorujussuuvoq paasissutissanik amerlanerpaanik immersuinissat, illit kissaatigisatit piginnaasatillu naapertorlugit suliffissannik innersuussinissarput ajornannginnerussammat. Unammiuaarnissat tungaannut ataavartumik illit pillutit paasissutissat uterfigalugit iluarsisarsinnaavatit.
 
Piginnaasat
Immikkoortumi ’Piginnaasat’-ni paasissutissat pikkoriffiit/piginnaasaqarfiillu  apeqqutigineqartut akissavatit.
 
Ataani taaneqartut eqqumaffigikkit:
·         Oqaatsitigut pisinnaasat: Kalaallisut/qallunaatut/tuluttut oqaatsitigut pisinnaasat qaffasissusaat nammineq nalilersorneqassapput, oqaatsitigut piginnaasavit qaffasissusaat isumaqarfiginerit ’soqanngilaq/aallarterlaaq/akunnattumik/tamakkiisoq’.
·         Pikkorissarsimanerit aamma allagartat: Paasissutissiisimaguit assersuutigalugu kørekorteqarlutit aamma eqqiluisaarnermut pikkorissarnikuullutit, AWG2016-imi kajumissutsinnik suleqataaninni piginnaasavit atornissaat pisariaqalissagaluarpat uppernarsaammik takutitseqquneqassaatit.
 
·         Nutserineq aamma oqaluttaaneq: Oqalutsitut assigisaanilluunniit ilinniagaqarsimanissat piumasaqaataanngilaq, kisianni nutserineq/oqaluttaaneq misilittagaqarfigisimasariaqarpat.
 
Apeqqutit tamaasa akinissaat pingaaruteqarpoq. Assersuutigalugu Ikiueqqaarnermut allagartaqarsimaguit kisiannili AWG2016-imi Ikiueqqaarnermik suliaqarusunnak, suli pingaaruteqarpoq paasissutissat piginissaat, ajornartorsiulerfimmi atortariaqalersinnaammata.
 
Piffissaqarneq
Immikkoortumi ’tapertaanissamut piareersimaneq’ nalunaassavat qaqugukkut sulinissamut periarfissaqarnerlutit.
Sulineq assigiinngitsunik sivisussuseqartarpoq, nalinginnaasumilli nalunaaquttap akunnerisa  marluk arfinillillu akornanni sivisussuseqakkajuttarpoq. Sulinissat piffissaliussap iluani uniorlugilluunniit pisinnaapput. Suliffissatut pilersaarutinut ilanngunneqannginninni akuersinersutit  itigartitsinersutilluunniit nalunaarsuinissannik tamatigut qinnuigineqartassaatit. Taamaattumik piffissaqarfitit tamaasa nalunaarsukkit. Sulinissamut neqeroorfigineqaruit, piffissanili taaneqartuni periarfissaqarnak, sulinissat itigartitsissutigiinnarsinnaavat.
Ataani taaneqartut eqqumaffigikkit:
·         AWG2016-i sioqqullugu kajumissutsimik suleqataaneq: Tassani nalunaaqutsiisoqaannassaaq, kajumissutsimik suleqataasut annerusumik komiténi  peqataatinneqartassammata, suliffissat isumaqatigiinnikkut aaqqinneqartassammat.
·         Piffissami 2016-imi februaarip ulluisa 29-anniit marsip ulluisa 16-iata tungaanut kajumissutsiminnik sulisussat sivikinnerpaamik nalunaaquttat akunnerini 20-ni sulinissaat naatsorsuutigineqarpoq.
 
Soqutigisat
Immikkoortumi ’soqutigisat’ nalunaassavat suliassaqarfiit sorliit kajumissutsimik suleqataaninni suliarerusunnerlugit. Pingaaruteqarpoq soqutigisatit tamaasa nalunaarsussallugit, sulinissamut innersuunneqarnissannut taakku aallaavigineqassammata. Aammali piginnaasaqarfinnut naleqquttuni sulinissannut neqeroorfigineqartarsinnaavutit. Suliffissatut pilersaarutinut ilanngunneqannginninni akuersinersutit itigartitsinersutilluunniit nalunaarsuinissannik tamatigut qinnuigineqartassaatit.
MALUGIUK: Kajumissutsimik suleqataanermut atatillugu angallannermut aningaasartuutinik matussusiinissamut AWG2016-i periarfissaqanngilaq, illoqarfiit akornanni pigaluarpat, imaluunniit illoqarfiup iluani pigaluarpat.
AWG2016-mi suliassaqarfinni assigiinngitsuni kajumissutsiminnik suleqataasut suliassaasa nassuiarneqarnerat uani atuarsinnaavatit: ’Kajumissutsimik suleqataasutut sunik suliaqarsinnaavit? (link til dette afsnit).
 
Ilaqutaq qanigisaq uunga attavigineqarsinnaavoq
AWG2016-imi kajumissutsinnik suleqataanerpit nalaani arlaannik pisoqassagaluarpat qaniginerpaasavit attavigisinnaanissaat pingaaruteqarpoq. Oqarasuaatip normua ilanngunneqassaaq.
 
Nalunaarsugassat
AWG2016-ip kingorna kajumissutsimik suleqataanissamut allamut atatillugu paasissutissat atorneqarsinnaanerat
Arctic Winter Games 2016-ip ingerlanneqareernerata kingorna Nuummi aaqqissuussinernut allanut atatillugu kajumissutsinnik suleqataasinnaaneq pillugu attaveqarfigineqarnissat soqutigaajuk? Arlaannik pisussaaffilerneqassanngilatit, attaveqarfigineqarsinnaanerillu kisiat akueralugu. Tamanna akuersaarukku aterpit, mailadressippit aamma oqarasuaativit normuata Kommuneqarfik Sermersuumut, Nuummi kajumissutsiminnik suleqataasut pillugit paasissutissanik katersiviliortumut, ingerlateqqinneqarnissaannut akuersivutit.
 
Nammineq assimik uploaderineq
Kingusinnerusukkut namminneq assinnik GEMSimut uploaderinissannik qinnuigineqassaatit, piumassutsinnik suleqataaninni  suliffigisassannut isersinnaanissannut  saqqarmiuusamut ilinnut tunngatitamut atugassamik.