Uppernarsaatit nalunaarutillu tunniunnissaannut immersornissaannullu ilitsersuutit

PINERLUSSIMANNGINNERMUT AAMMA MEEQQANUT PINERLIISIMANNGINNERMUT UPPERNARSAATIT

15-inik taakkulu sinnerlugit ukiullit, piffissami 2016-imi februaarip ulluisa 29-anniit marsip ulluisa 16-iata tungaanut piumassutsiminnik suleqataarusuttut, nalunaarsorneqareernermik kingorna meeqqanik pinerliisimannginnermut aamma pinerluuteqarsimannginnermut uppernarsaatinik AWG2016-ip politiinut pissarsiniarsinnaanissaa atsiorlutik akuersissutigissavaat.

MALUGIUK: Inuusuttut 15-iniit 17-inik ukiullit AWG2016 meeqqanik pinerliisimannginnermut uppernarsaammik pissarsiniarnissaanut atsiukkamik pisinnaatissavaat, pinerluuteqarsimannginnermut uppernarsaammik pissarsiniarnissamut inuusuttoq sinnerlugu angajoqqaat/akisussaasut atsiukkamik akuersissapput.

Pinerlussimannginnermut aamma meeqqanut pinerliisimannginnermut uppernarsaatit qinnuteqarfissartaat uani uanilu aaneqarsinnaapput. Aamma Volunteer Centerip ammanerani tunniukkiartorneqarsinnaapput ataasinngorneq, pingasunngorneq aamma tallimanngorneq nal. 10.00-miit 16.00-p tungaanut, marlunngorneq aamma sisamanngorneq nal. 11.00-imiit 18.00-p tungaanut. Kajumissutsimik sulerusuttut immersuinissaminnut tassani ilitsersuunneqarsinnaapput.

Pingaaruteqartorujussuuvoq uppernarsaatit eqqortumik immersorneqarnissaat, taamaanngippat politiiniit suliarineqarsinnaassanngimmata. Atsiorneq digitaliusoq atorlugu atsiorneqaqqusaanngilaq. Pinerlussimannginnermut aammalu meeqqanik pinerliisimannginnermut uppernarsaatit immersornissaanut ilitsersuut ataani allassimasoq maliguk.

Pinerlussimannginnermut uppernarsaat ima immersorneqassaaq:

Qalipaat qorsuk boksimut nalunaaqutaavoq, allaffissat tamaasa kajumissutsimik sulisussat immersussagaat. Kajumissutsimik sulisussat angajoqqaavisa boxit aappaluttoq qalipaatillit aamma immersugassaraat. Sinneri AWG2016-ip allattoqarfianiit imaluunniit politeeqarfimmit immersorneqassapput. Uppernarsaat kajumissutsimik sulisussaq pillugu paasissutissanik imalik assersuummi takutinneqartutut immersorneqassaaq: Link

Meeqqanik pinerliisimannginnermut uppernarsaat ima immersorneqassaaq:

Qalipaat qorsuk boksimut nalunaaqutaavoq, allaffissat tamaasa kajumissutsimik sulisussat immersussagaat. Sinneri AWG2016-ip allattoqarfianiit aamma Rigspolitiinit immersorneqassapput. Inuusuttut 15-iniik-17-inut ukiullit meeqqanut pinerliisimannginnermut uppernarsaat kisimik atsiussavaat, angajoqqaatut akisussaasuunngitsup. Uppernarsaat kajumissutsimik sulisussaq pillugu paasissutissanik imalik assersuummi takutinneqartutut immersorneqassaaq: Link

Pinerlussimannginnermik aamma meeqqanik pinerliisimannginnermik uppernarsaatinik pissarsiniarnissamut qinnuteqaatit atsiorneqarsimasut AWG2016-imut ima tunniunneqassapput

Qinnuteqaatit atsioreersimasut, pinerlussimannginnermik aammalu meeqqanut pinerliisimannginnermik uppernarsaatinik pissarsiniarsinnaanermut piginnaatitsissutit, kiisalu kinaassutsimut uppernarsaatit assilineri (passi, kørekorti, najugaqarnermut uppernarsaat, imalt. kinaassutsimik uppernarsaat alla pisortanit suliarineqarsimasoq), periarfissat marluk atorlugit AWG2016-imut tunniunneqarsinnaapput:

• Volunteer Centerimut (Kuussuaq 17, B31)tunniunneqassaaq, ammanerata nalaani

• Scanerlugit mailikkut nassiunneqassapput uunga screening@awg2016.gl.

Tamatuma kingorna kajumissutsimik sulisussat allamik iliuuseqaqqissanngillat. Uppernarsaatinik pissarsiniarluni periuseq pillugu annertunerusumik uani paasisaqarit: (link: UPPERNARSAATIT – PIUMASSUTSIMINNIK SULEQATAASUSSANIK MISISSUINEQ)

MALUGIUK: Kajumissutsimik sulisut taamaallaat nalunaarfigineqassapput uppernarsaatit aallaavigalugit kajumissutsiminnik suleqataasinnaatitaanngikkunik. Taamaattumik kajumissutsimik sulisussat akuerineqarsimassapput AWG2016-ip allatseqarfianiit attavigineqarsimanngikkunik.

ANGAJOQQAAT AKUERSINERANNUT UPPERNARSAAT AAMMA AKUERSINERMUT UPPERNARSAAT

Inuusuttunut 13-iniit 17-inut ukiulinnut piumassutsiminnik suleqataasunut angajoqqaat/akisussaasut angajoqqaat akuersinerannut uppernarsaammik atsiukkamik, aamma piumassutsiminnik sulisut tamarmik akuerisassaannik akuersinermut uppernarsaammik atsiukkamik tunniussissapput.

Angajoqqaat akuersinissaannut akuersinermullu immersugassaq aamma immersoreerlugu atsiugaq Volunteer Centerimit (Kuussuaq 17, B31) tunniunneqarlunilu tassunga utertinneqassaaq, ataasinngornermi, pingasunngornermi aamma tallimanngornermi nal. 10.00-p 16.00-llu akornanni, marlunngornermi aamma sisamanngornermi nal. 11.00-imiit 18.00-p akornanni. Immersugassaq aamma uani aasinnaavat. Uppernarsaatit screening@awg2016.gl aamma nassiunneqarsinnaapput.

KAJUMISSUTSIMIK SULISUSSANUT E-MAILEQANNGITSUNUT ILITSERSUUT

Kajumissutsimik sulisut e-maileqanngitsut peqataanissamut immersugassanik immersuillutik nalunaarsortissapput. AWG2016-ip sulisuinit onlinekkut GEMS-imut nalunaarsorneqassapput. Kajumissutsiminnik sulisussat taakku AWG2016-ip sulisuinit annertunerusumik paasissutissinneqassallutik attavigineqassapput.

Kajumissutsiminnik sulisut ammanitta nalaani Volunteer Centerimut (Kuussuaq17, B31) saaffiginnissinnaapput, imaluunniit sianersinnaallutik uunga 382034.

Attavigiuk

Uunga attavigitigut volunteer@awg2016.gl imalt. uunga sianerlutit 382034.