Meeqqat Nuummi 4 klassimiiit 10 klassi tungaanut atuartut matumuuna periarfissinneqarput workshopernissaminnut, pisussat martsip 7-aniit 10-ata tungaanut.
Workshopertitsinissat ukuussapput: nipilersorneq, eqqumiitsuliorneq, oqaluttuarisaaneq, timersorneq aammalu qitinneq.
Atuartut peqataanissamut immersugassaq sisamanngornermi februaarip 11-ani tigussuaat, februaarillu 15-ani ilinniartitsisuminnut utertereersimassallugu. Atuartut peqataasussat taamaasillutik skemamik februaarip 29-ani tunineqassapput.