Ulu News March 8 2016
Arctic Winter Games 2016-imi pisortatigoortumik ullormut nutaarsiassaataa pissarsiassaalerpoq. Nutaarsiassanit tigulaarinninneq:
- Timersortartoq ullumikkut apersorneqartoq tassaavoq, volleyballertartoq Jada Lea, Alberta Northimeersoq.
- Paarlaaqatigiilluni imaluunniit paarlaaqatigiinnani? Arctic Winter Gamesimi peqataasut akornanni unammisatillu atisaminnik paarlaaqatigiittarput, ukioq mannali peqataasut atisatik nuannaringaaramikkit allanut tunniukkusunngilaat.
- Sapaatip-akunnerani najukkami atuartunut workshoppertitsinermi siullermi ilaatigut qajartortarnermi ileqquusimasoq oqaluttuarisaaneranillu ilinniartitsisoqarpoq.
- Mia Chemnitzip apersorneqarnera: Amerikamiut tamarmik pualasuujunatillu sakkunik tigummiartanngillat, aamma kalaallit tamarmik simertuunatillu piniartuunngillat.
- Puisi nukittorpasittuusinnaava? Ukioq manna Arctic Winter Gameseqarnerani maskotsitut atugassap ilusilersorneqarnissaani puisip uumasup timersorpasittartunngortinneqarnissaa unammilleruminaannerpaavoq.
- Imaannaanngitsoq: Kalaallit oqaasiisa ilai allamiut oqaasiinut nutserniaraanni oqaaseqatigiinngortinneqarsinnaapput.