Kalaallit Nunaat aamma Nunavut Nuummi illorsuarmi timersortarfimmi nal. 13.00 unammimmata qiimanarluinnarpoq isiginnaarianillu ulikkaarluni. Unammineq aallartimmat inuit pissangallutik unammisunullu illersuilluarlutik isiginnaarput.
 
Kalaallit inuusuttut timersortartui aallaqqaataaniilli sukataarput. Minutsit tallimat qaangiutiinnartut Kalaallit Nunaat Nunavummut sisamanik isertitsereerpoq. Nunavut sukataarluarpoq malinnaaniarsarilluarlunilu, kisianni kalaallit arsartui arsaalluartorujussuupput isaatitsinernillu tulleriaaginnartunik isaatitsillutik.
 
Unikaallatsiartoqareermat Nunavut akiuuppoq aammalu isertitsingajallutik, kisiannilu målip sukarutaa eqqorlugu. Kalaallit Nunaat Nunavummut ajugaavoq 7-0.

Illup iluani arsarluni unamminerit sapaatip akunnera naallugu Nuummi Illorsuup Timersortarfiani ingerlanneqassapput.