AWG2016-ini unnugu nuutoqqami nal. 21.00 kusanarluinnartumik qummoroortaatinik isiginnaartitsisoqarnissaanik aaqqissuussinikuugaluarpoq. Silali pissutigalugu tamanna unnugu pisinnaajunnaarpoq.
Tamaattumik qummoroortaatinik isiginnaartitsinissaq aqagumut tallimanngornermut nal. 21.00-mut kinguartinneqarpoq, AWG2016-inip Inussivimmi naggataarnersiortitsisoqareerneranut.

Naggataarnersiorneq naggaserlugu maskotti Kuluk ikumasoq Katuap silataaniittoq qamissavaa. Qamereerpagu qummoroortarneq alakkaneqarsinnaavoq.