Search form

Share +

Patroonikunit atoqqiineq kulturilerisut ujaminnattaassaanut

AWG2016 ingerlanneqalerpat kulturikkut pisuussutitta ilaat aamma killeqanngiusattumik isumassarsiullaqqinnerput takutinneqassaaq. AWG-2016 nunatsinni eqqumiitsuliortullu isumaqatigiillutik suleqatigiissutiginiarpaat medalia nutaaq kulturitsinnut attuumassutilik, 100-nngorlugu sanaartugassiarineqassasoq AWG-mullu tunniullugu.
 
Ujaminnattaassaq taanna kalaallimit eqqumiitsuliortumit, ilaatigut Frankrigimi, Canadami aamma nunatsinni ilinniarsimasumit, Camilla Nielsenimit ilusilersugaavoq. Eqqumiitsuliortuunermini ingammik pinngortitap inuillu imminnut attuumassutaat ersersinniartuartarsimavaa. Camilla, Palle Møller aamma Peter Harder, eqqumiitsuliortut Nuummi najugallit, suleqatigiilllutik taanna medaljoni AWG-2016-ip agguaattagassaa timitalertussaavaat. Medaljoni kulturitsinnut attuumassutilik kalaallit qilaataattut iluseqarpoq. 
  
Taassuminnga sanaartorneq uumap ukiup qiteqqunnerata missaani aallartissaaq. Ilusiliamut kueraalluni sanaartorneqassammat messinngimernit aatsillugit akussat atorfissaqartinneqarput. Aallaaniartartut kajumissaarusuppavut tuttunniarnerup nalaaniluunniit patronikunik katersinissamut peqataaqqullugit, sanaartornermi aatsillugit atugassat, pissangaqaluni Peter Harder oqariartuuteqarpoq
 
Palle Møller ilaatigut oqarpoq, katersuiffissanik piukkunnartunik toqqaassallutik, siparninik ilisiffigineqartussanik. Soorlu eqqarsaatigineqarput Orsiivik, umiatsianut tulattarfiliat puttasut aamma illoqarfimmi niuvertarfiit aallaasinik najoqquteqartartut. "Una periarfissatsialaavoq illoqarfitsinni aallaaniartartunik suleqateqarnissamut."
 
"Una suliniut aqqutigalugu, ullutsinni aallaaniartartuvut suleqatigilluinnarlugit, kulturikkut naapeqatigiilluni peqataasunut pinnattaassatut agguaattagassaq piviusunngortinneqassaaq.  Inuutissarsiutigalugu aamma saniatigooralugu aallaaniartartut, soorlu aamma Camilla Nielsenikkut eqqumiitsuliortartoqataasalu suleqatiginissaat qilanaareqaarput”, AWG2016-ermiut qujaniarput.

 

14 Marsi 2016

Volunteer Thank You Party

smile emoticonAWG2016-imi nammineq kajumissutsiminnik suleqataanikut tamarmik arfininngorpat qujaniarluta nuannannissamut qaaqquagut, marsip 19-ani Inussivimmi nal. 18.00-23.00. Takuss'! smile emoticonAWG2016-imi nammineq kajumissutsiminnik suleqataanikut tamarmik arfininngorpat qujaniarluta nuannannissamut qaaqquagut, marsip 19-ani Inussivimmi nal. 18.00-23.00. Takuss'!