Ataqqinartorsuaq Kunngissaq Frederik Arctic Winter Games 2016-imut illersuisunngorpoq.
Kunngissap tapersersuinera unammiuaarnernik aaqqissuisarnermut annertuumik qiimmassaataavoq, AWG2016-imullu tikeraartitsisuusut nutaarsiassaq tamanna nuannaarutigaat. Aaqqissuussamut annertoqisumut Kunngisaq Frederik illersuisunngussammat, Illoqarfittut tikeraartitsisut sinniisuisa siulittaasuat, Borgmesteri Asii Chemnitz Narup, assut nuannaarpoq:

”Ataqqinartorsuup Kunngissap Arctic Winter Games 2016-imut, Nuummi pisussamut illersuisoorusunnera persuarsiutissaavoq. Danmarkip Kalaallit Nunaatalu akornanni qanilaartumik pissuseqarneq kiisalu Kunngissap Kalaallit Nunaannik nuannarinnittuunera atassuteqarluarneralu taamatut naqissusserneqarput.”