AWG2016-imi kajumissutsiminnik suleqataasorpassuit ullaaq manna anorersuaraluartoq ikiuuteqqipput, AWG-mi timersortartorpassuit nerisassaqarnissaat aammalu ajornaatsumik isumannaarnissaat anguniarlugu. 

 

Arfininngornermi kingusissukkut kangerlussuarmiit tikerarnissaannut isumagisassat kingulliit inissikkiartugaarput.

 

Maliina Abelsen, General Manager, AWG2016:

- Tulluusimaartorujussuuvugut. Anorersuartorsuugaluartoq kajumissutsiminnik suleqataasut illoqarfiup iluani suliassaqarfinnut aggikaapput. Kavaajat qorsuit sumi tamaani takussaapput suliassallu naammarsineqartarlutik. Imaattunik pisoqartitsileraanni unammillernartut avaqqunneqarsinnaanngillat imaluunniit agginngitsoonerit, kisianni aamma pisoqartsitsisinnaanngilaq Nunarsuarmi kajumissutsiminnik suleqataasutsilassuarnik ikiorteqanngikkaanni. Taamaattunillu ulluni makkunani nuummi kangerlussuarmilu peqarpugut.

 

- Ullut pikkunartuuniarput, kajumissutsiminnillu suleqataasussat suli ilai ikiuutinngillat. Taamaattumik soorunami kikkut tamarmik pisariaqartilluinnassavagut. Kajumissutsiminnik suleqataasussat ikiuuffissaannut eqqaasillugit sms-inik nassiussisarpugut. Kisianni qujamasoqaanga nuannaangaaqalungalu, amerlasoorpassuit ulloq unnuarlugu apeqqutaatinnagit ikiuukkiartorlutik aggertarmata, ikiuukkusussusermik tunniussisaqattaarlutit.

 

Ullaaq mannaannaq AWG2016-imi kajumissutsiminnik suleqataasut 150-amerlanerniit ikiuuttoqarpoq. Ullup ingerlanerani nuummi kisitsisit amerliartussapput kangerlussuarmiit tikittut malitsigalugit. 

 

- Kalaallit nunatta oqaluttuarisaanerani pisoq annerpaaq isumagivarput, massakkumullu tikillugu sila piuminaalliortitsivoq. 

 

- Nuannaarutissaqarlualiinnarpugut, pissutsini ajornakusooraluartuni suliassat naammassiinnarnagit aammattaaq kajumissutsiminnik suleqataasorpassuit tunniusimalluinnartumik aggertarmata suliassallu naammassisarlugut, taamatuttaaq misigisamik pilersitsiutigalutik pissarsiaqarlutik, Maliina Abelsen oqarpoq.