Search form

Share +

Kajumissutsiminnik suliaqartut nunatsinnik kivitseqataapput

 Kajumissutsiminnik sulisunik, Nuummi, Sisimiuni Ilulissanilu pikkorissaanerit.

 
GIF, AWG2016 aamma MIBB suleqatigiillutik, namminneq kajumissutsiminnik suleqartunik pikkorissaanissat 2014-imi pilersaarutigineqartut sisamaasut aappassaat naammassereerpaat. Pikkorissaanermi tassani novembarip 7-ianni Nuummi ingerlanneqartumi, namminneq kajumissutsiminnik suleqataasartut, Kalaallit Nunaanni sumiiffinni tamaneersut peqataapput.
 
Kalaallit Nunaanni nammineq kajumissuseq naapertorlugu suleqataasarnerup immikkut sammineqarnissaanut, GIF, AWG2016 amma MIBB suleqatigiillutik suliniuteqarnerannut atatillugu pikkorissaaqattaarnerit ingerlanneqarput. Inuppassuit namminneq kajumissutsiminnik qasusuillutik maligassiuillutillu suleqataasartut suliniuteqarnikkut nersorniarpaat. Meeqqat, inuusuttut peqqinnissarlu pillugit inuit tamakkua sammisaqartitsinermikkut, klubbimik, peqatigiiffimmik inuiaqatigiillu ataatsimut isigalugit ineriartortinnerannut peqataapput.
 
-          Namminneq kajumissutsiminnik sulerusussuseqartut tunniusimallutik nukippassuarnillu atuillutik sunniuteqarusunnerat pissutigalugu, sapaatit akunnerit tamaasa Najap arfineq pingasunik ukiullip assammik arsariartarlunilu kalattooriartarsinnaanera assut nuannerpoq. Namminneq kajumissutsiminnik suleqatasartut nukittorsarusuppagut atorsinnaasaannillu sakkussikkusullutigit.
 
Pikkorissaanerni pikkorissaasut ilisimasaminnik pikkorissartunut tunnioraanerat saniatigut aamma pikkorissartut ilisimasaminnik imminnut tunioraattarput kiisalu pikkorissartut ilisimasaminnik pikkorissaasunut tunioraasarlutik. Pikkorissaanerit nutaanik sakkussaqalernissamut isumassarsiorfiusarput, ilisimasanilli misilittakkanillu aamma siaruaassiffiusarlutik.
 
-          Qaqortumi Nuummilu maannakkut pikkorissaasoqareerpoq, taakkualu soqutigineqarluarlutillu peqataaffigineqarluarput. Peqataasut amerlasuut namminneq kajumissutsiminnik suliaminnut tunniusimalluaraluarlutik sakkussaaleqinerat ersarissumik malugaarput. Pikkorissaanerit, nammineq kajumissuseqarnikkut suleqataasarnernut taamaalillutillu inuiaqatigiinnut pingaaruteqartut, taamaalilluta takusinnaavarput. Suleqataasartut tamakkua annertuumik nersorneqarlutillu inerisaaffigineqartuartariaqarput.
 
2016-ip tungaanut Nunatsinni sumiiffinni assigiinngitsuni pikkorissaasoqarsimanissaa pilersaarutigineqarpoq. Pikkorissaanissat tulliuttut Sisimiuni novembarip 25-anni kiisalu Ilulissani novembarip 27-anni ingerlanneqassamaarput. Naak Inatsisartunut qinersinissaq sioqqutilaarlugu pikkorissaanerit ingerlanneqartussaagaluartut, nammineq kajumissuseqarnikkut suleqataasarneq pillugu pikkorissaasarnerit peqataaffigineqarluarlutillu sakkussanik pissarsiaqarfiujulluarumaartut aqqissuussisut neriuutigaat.

14 Marsi 2016

Volunteer Thank You Party

smile emoticonAWG2016-imi nammineq kajumissutsiminnik suleqataanikut tamarmik arfininngorpat qujaniarluta nuannannissamut qaaqquagut, marsip 19-ani Inussivimmi nal. 18.00-23.00. Takuss'! smile emoticonAWG2016-imi nammineq kajumissutsiminnik suleqataanikut tamarmik arfininngorpat qujaniarluta nuannannissamut qaaqquagut, marsip 19-ani Inussivimmi nal. 18.00-23.00. Takuss'!