Search form

Share +

Inoqatinut attaveqaatitigut malinnaaffigitigut

Arctic Winter Games 2016-I arfininngormalli aallartimmat issittut unammiuaarnerit pillugit inoqatinut attaveqaatitigut soqutiginninneq malugaarput.
 
Sapaatip akunnerata ataatsip ingerlaneriinnaani AWG2016-ip pisortatigoortumik facebookiani likes-it anguniakkagut 10.000-t anguneqareerput (Katillugu 10.300-t sinnerlugit likes aamma 4.400-t nutaanit likes-it). Nutaarsiassaatigut 235.000-t sinnerlugit inunnut anngussimapput, ullullu tamaasa nutaarsiassaatigut kingulliit assillu ikkunneqartut kingulliit inunnut 5.000-t missaanit takuneqartarput.
Massakkut anguniagarput angulersimavarput, tassami facebookitsinni 10.000 likes-it angusimavagut.
 
Facebookimi nutaarsiassarput Kunngikkormiu ataqqinartoq Kunngissaq Frederiup sapaatiummat marsip 6-anni Nuummut tikinnera soqutigineqarnerpaajusimavoq. Ullup ataatsip ingerlaneriinnaani inuit 50.000-t sinnerlugit angusimavai, siaruartinneqarsimallunilu 197-riarluni.
 
Nunarsuaq tamakkerlugu facebookerput like-rneqartarpoq, soorlu Brasilienimiit, Indonesienimiit, Tyrkiemiit, Italienimiit aammalu Australienimiit. Inuit like-rinerpaat Kalaallit Nunaanniit, Canadamiit, Danmarkimiit aamma USA-miit aggersuunerupput.
 
Instagrammerput aamma pisoqarfiuvoq, Instagramimi awg2016-imut malinnaasut amerliartuinnavipput, aamma hashtag #awg2016 atorluarneqaleraluttuinnarpoq.
 
Arctic Winter Gamesip pisortatigoortumik facebookiani aamma instagrammimut saqqummiuttakkagut amerlanerpaat Nuuk International Friskolemi (NIF) atuartuniit suliarineqartarput. Arctic Winter Games 2016-ip pingaartippaa pisumut inuaqatigiit akuliusimanissaat, tamannalu atuartut kajumissutsiminnik Team Online Media-mi (inoqatinut attaveqartitsisut) suleqataanerat akornanniippoq.

14 Marsi 2016

Volunteer Thank You Party

smile emoticonAWG2016-imi nammineq kajumissutsiminnik suleqataanikut tamarmik arfininngorpat qujaniarluta nuannannissamut qaaqquagut, marsip 19-ani Inussivimmi nal. 18.00-23.00. Takuss'! smile emoticonAWG2016-imi nammineq kajumissutsiminnik suleqataanikut tamarmik arfininngorpat qujaniarluta nuannannissamut qaaqquagut, marsip 19-ani Inussivimmi nal. 18.00-23.00. Takuss'!