ATORFIMMUT INUTTASSARSIUINEQ: Ataqatigiissaarisuni siunnersorti
AWG2016: Ataqatigiissaarisoqatigiinni piaarnerpaamik sulilersussamik suliniutit pillugit siunnersortimik pissarsiorpugut.
2016-imi marsimi AWG2016-imut qaammatit sisamat missaat taamaallaat sinnerupput. Nukissaqarluarlutik ulappullutik aalalluarlutik suleqatigiinnut peqataarusukkuit taava una takuuk.
Suliniutit pillugit siunnersorti
Ataqatigiissaarisoqatigiinni suliniutit pillugit siunnersortimik pikkorissumik aaqqissuulluakkamik sulisinnaasumik suliassallu ilaannik nammineerluni isumaginnissinnaasumik pissarsiorpugut.
Ataqatigiissaarusoqatigiinni suliniutit pillugit siunnersortitut suliassanik akisussaaffittalinnik tamatigoortorpassuarnik suliakkinneqartassaatit. Ulluinnarni ataqatigiissaarinernut attuumassuteqartunik suliaqarnernut suleqataalissaatit; ineqarnerit, isumannaallisaanerit, illoqarfimmi angallassinerit, avammut (timmisartumik) assartuinerit, tikinnerit / aallarnerit aamma peqqumaasiveqarneq.
Suliassarpassuupput ilaatigullu makkuusinnaallutik:
· Pigaartuuffissanik nalilersuinerit,
· komiteet akornanni ataqatigiissaarinerit,
· biilinik agguaassinerit aamma atorfilittanik, timersortartunik sullissunik il.il. inissaannut inissiinerit,
· nammineq kajumissutsiminnik suleqataasunik pikkorissarnissanik ilisimatitsisarnissanillu pilersaarusiornerit ineriartortitsinerillu,
· allarpassuillu.
Ataqatigiissaarisuni pisortaq pisortarisassat tassaavoq: Line Frederiksen
Piginnaasat:
- Akisussaassuseqartoq aaqqissuussillaqqissorlu.
- Piffissaliussanik eqquutsitsisinnaasoq.
- Suliassanut, pissutsit allanngupallaffigisinnaasaat, tunngatillugu tamatigoortoq.
- Suleqatigiinnik sulilluartoq.
- Ajornartorsiutinik qaangiiniallaqqissoq isumassarsiullaqqissorlu.
- Piffissani ulapaarfiusuni inuttut tunngassuteqartunik isumaginninnissamut piumassuseqartoq piginnaaneqartorlu.
- Sukkasuumik ataatsimoortumik takunnissinnaasoq.
- Oqaatsit assigiinngitsut atorsinnaavatit: kalaallisut, tuluttut danskisullu.
- Suliniutinik aqutsinermik misilittagaqarneq iluaqutaasinnaavoq piumasaqaataanngilarli.
Akissarsiat atorfinitsitaanermilu atugassarititaasut:
Atorfeqarnissaq piffissami aalajangerneqarsimasunngorlugu aalajangigaavoq aammalu 2016-imi marsip ulluisa 30-anni atorunnaassalluni, imaluunniit isumaqatigiissuteqartoqareerneratigut.
Ajoraluartumik atorfimmut atasumik inissiamik neqeroortoqarsinnaanngilaq.
Imaassinnaavoq atorfeqareersutit aammalu qaammatini pingasuni sisamaniluunniit sulinngiffeqarnissannut periarfissaqartutit imaluunniit suliffeqarfippit atorfeqarnerit tamakkiisumik ilaannaanilluunniit aningaalersuisuusinnaasoq. Taamaassappat suliartoqqikkuit suliffeqarfigisat suliniutinik aqutsinermik, pilersaarusiornermik ataqatigiissaarinermillu piginnaanilerujussuanngorsimasumik sulisoqalissaaq.
Qinnuteqarnissaq:
Qinnuteqaat ilinniagaqarsimanerit siusinnerusukkullu atorfigisimasatit, soraarummeernerit pillugit pappiliaatinnik il.il. ilalik qinnuteqaateqarnissamut killiliussap qaangiutinnginnerani Arctic Winter Gamesimi tiguneqareersimassaaq.
Imatut qinnuteqaateqassaatit:
Qinnuteqaatip elektroniskiusumik nassiunneqarnissaa orniginartinneqarneruvoq.
Qinnuteqaateqarnissamut killiussaq: Piffissaq atorfiniffissaq: |
Novembarip 21-anni, ingerlaavartumik oqaloqatigiittassaagut Piaarnerpaamik |
|
Suliffiusussaq: | Nuuk | |
Paasissutissat amerlanerusut uannga pissarsiarineqarsinnaapput: |
Director of Logistics Line Frederiksen (line@awg2016.gl) Oqarasuaat 382002 imaluunniit 522480
|
|
Nittartagaq: | www. awg2016.org | |