Arctic Sportsimi (Inuit Pinnguaataat) unamminerit ukioqatigiikkuutaani/suiaassuseqatigiiikkuutaani sisamani ingerlanneqassapput: Open aamma junioorit angutit arnallu. Ukioqatigiiaat open unammeqattaarfissani tamani peqataassapput timersortartut sisamat, junioorit unammeqattaarutissaanni tamani timersortartut tallimat aammalu angutinut sungiusaasoq ataaseq arnanullu sungiusaasoq ataaseq. Unammeqataasussat tamarmik unammissutigissavaat Isikkamik-Ataatsimik Qummut Isimmeeriarneq (One Foot High Kick), Isikkanik-Marlunnik Qummut Isimmeeriarneq (Two Foot High Kick), Alaskamiusut Qummut Isimmeeriarneq (Alaskan High Kick), Seeqqummerluni Pissinneq (Kneel Jump), Qamutit Qulaallugit Pissinneq (Sledge Jump) aamma Pingasoqiusamik Pissinneq (Trible Jump). Junioorit angutit arnallu unammissutigissavaat Pakassumminneq (Arm Pull); aamma ukiui apeqqutaatinnagit angutini unammissutaassapput Timmisartoq (Airplane), Assammik Ataatsimik Attueriarneq (One Hand Reach), Pukusuk Atorlugu Noqqoruunneq (Head Pull) aammalu Naggussanik Pississaarneq (Knuckle Jump). Ukioqatigiikkuutaani/suiaassuseqatigiikkuutaani tamani unamminerni ataasiakkaani angusat tunngavigalugit suni-tamani unammineq ingerlanneqassaaq. Inuit Pinnguaataanni unammiuaarnerni katillugit kuultimik ulunnassutissat 35-iupput.

Junior: 1999’miit qummut inunngornikut
Open: Inersimasut