AWG2016-imiik ambassadørit katillugit qulit AWG2016 tungaanut toqqaasussaavugut.
 
Siulliit nalunaarutigineqartut ukuupput:
 
Kimmernaq Kjeldsen aamma Frederik Elsner, AWG2016 saqqummiunneqarmat 25. April 2014-imi.

Ambassadørit pingasut tulliullutik saqqummiunneqarput One Year To Go Event-imi, tassa ukioq ataasiinnanngormat AWG2016 aallartinnissaanut. Taakkulu ukuupput:
Nivi Mathiassen Tasiilamiik, Tonny Fisker Ilulissaniik aammalu Victor Tootoo Iqalunniik. Kingulliullutik suaarutigineqartut oktobarimi saqqummiunneqartut ukuupput: Niviaq Chemnitz Berthelsen Nuummeersoq, Ane Berthelsen Nuummeersoq, Bolethe Stenskov Narsameersoq, Laarseeraq Skifte Sisimiuneersoq taavalu Laakkuluk Williamson Bathory Iqalunneersoq.
 

Ateq Kimmernaq Kjeldsen
Ukiut 35
Ilaquttat Angajoqqaat: Dorthe Hegelund Kjeldsen & Jens Kjeldsen, Qatanngutai: Adam Kjeldsen aamma Camilla Hegelund.
Suliffik Isiginnaartitsisartunngorniarpoq Nunatta Isiginnaartitsisarfiani taavalu erinarsortartuulluni.
AWG-imut attuumassut Ambassadøri. Ingerlassisuuvoq kulturimut takutitsisuni “Flying Drops”-imi AWG2014-imi Fairbanksimiittumi Alaskami.
Soqutigisat Sisoraarneq, erinarsorneq, kammalaatit, angalaneq kulturillu allat naapillugit.

Ateq Frederik Kjærholm Elsner
Ukiut 28
Ilaquttat Angajoqqaat: Marianne aamma Ejvend Elsner, Qatanngut: Christian Kjærholm Elsner.
Suliffik Nipilersortartoq aamma Atlantic Musicimi tuniniaasoq
AWG-imut attuumassutit AWG2002-mi peqataavunga Nuummi, pingasunillu ulunnalluni: gold 1, sølvi 1, bronzi 1. Massakkut toqqagaavunga ambassadøritut AWG2016 Nuummi.
Soqutigisat Soqutigisakka assigiinngillat. Ilarivaat taalliorneq, piffissaq annertooq taalliorlunga atortarpara. Timersortarpunga arpallungalu silami. Sulorarneq soqutigisatut isiginngilara, pimoorullugu timersuutigigakku.

Ateq Nivi Dahl Mathiassen
Ukiut 17
Ilaquttat Peroriartorpunga sulilu najugaqatigalugu anaananni. Aneqarpunga ataatsimik.
Suliffik Asaasutut sulivunga allaffimmiutut ilinnialernissama tungaanut.
AWG-imut attuumassutaa Arsarneq
Soqutigisat AWG inuuninni misigisaq nuannernerpaavoq, AWG2016-imullu ikiuunniarpunga ambassadøritut, meeqqanut saqqummiisassamaarpunga AWG pillugu.

Ateq Tonny John Fisker
Ukiut 27
IIaquttat Nuliara Tina Rebekka Holm Fisker, paniga Leah Kimmernaq Holm Fisker, erneq inunngorpoq Maajimi 2015-imi, anaanaga Elisabeth Fisker, ataataga Peter Fisker, angajuga Danny Fisker, nukaga Kenny Fisker.
Suliffik Piloti Airgreenlandimi
AWG-imut attuumassut AWG-imut arfinileriarlunga peqataanikuuvunga. Marloriarlunga sulorarnermi, 2002-mi aamma 2006-imi. Sisamariarlungalu Issittormiut Timersuutaanni 2004, 2008, 2012 aamma 2014-imi.
Katillugu 15-inik ulunnannikuullunga.
Ulut 6 sulorarnermi, guuldtit 3, sølvi 1, bronzit 2.
Ulut 9 Issittormiut Timersuutaanni, guldtit 3, sølvit 3, bronzillu 3.
Soqutigisat Ilaquttat, timersorneq, pattagiarneq, titartaaneq spillilu.

Ateq Victor Rufus Siudluk Tootoo
Ukiut 50
Iiaquttat Nuliaraara Lisa Tootoo marluullutalu meeraqarpugut marlunnik ukiulik, Taryn Tootoo. Uanga aamma meeraqarpunga sisamanik taassuma saniatigut: Anthony Tootoo, Savannah Piliakapsi, Christine Tootoo, Donovan Gordon-Tootoo.
Suliffik Aningaaserisuni aqutsisoq aamma President Aarluk Consulting-imi, Northern Allied Nunavut, allanullu assigiinngitsumik attuumassuteqarlunga.
AWG2002-mut attuumassut Siullermik aallartippunga aningaasanut tunngasunik aqutsisutut, taava presidentimut tullersortinngorpunga naggataatigullu presidentinngorlunga.
Soqutigisat Hockey soqutigilluinnarpara. Illoorara siulleq, Jordin Tootoo NHL-imi hockey-tarpoq, New Jersey Devils klubberalugu. Squashertarpunga, timersortarlungalu. Nuannarivara piniarneq, aalisarneq, umiatsiamik angalaarneq, pinngortitamiinnerlu ilaquttakka ilagalugit. Baffin Region Chamber of Commerce-imut attuumassuteqarpunga, nammineq piumassutsimik ikiuuttunut aqutsisuullunga 2010-imiik. Nuannaraara aamma
Allanimmi? Pinngortitamut ilaquttannullu qaninnissaq uannut pingaaruteqarpoq uannut. Ilaqutariissuarmiik aggerpunga, ataatanniillu illooqqakka 47-uullutik, taakkulu kinguaavi 80 sinneqarlutik. Nuannaraara AWG 2016-imut akuugama.

Ateq Niviaq Chemnitz Berthelsen
Ukiut 26
Ilaquttat
Angajoqqaat: Kisser Chemnitz & Jens Kristian Berthelsen.  Nukaq angajulleq: Nuunu Chemnitz Berthelsen, 18. Nukaq nukarleq: Inuuna Chemnitz Berthelsen, 10. Aqqaluaq: Qooqu Chemnitz Berthelsen, 13.
Suliffik Inufitness Godthåbhallen.
AWG-mut attuumassut
AWG2002-mi ujakkaarlunga peqataaninni sølvit marluk bronzerlu pissarsiaraakka. 2004-mi Canadami isikkammik arsaqataavunga. 2006-mi Alaskami ujakkaarlunga bronzit marluk pissarsiaraakka, ullut siulliit napparsimareerlunga. Nukaga alpinimi guldinnannikuuvoq, aqqalugalu 2016-mi aamma alpinimi peqataassalluni. Ataataga alpinimi sungiusaasutut peqataasarpoq.
Soqutigisat
Ilaquttat, timersorneq, ullut tamaasa ujakkaarlunga rulleskeerlungaluunniit sungiusartarpunga, arsartarpunga, filmeriartarpunga. Umiatsiami angalaarneq nuannareqaara, pinngortitamiinneq, qajartorneq taavalu qaqqami arpattarlunga assut.

Ateq Ane Berthelsen
Ukiut 37
Ilaquttat
Ueq, Karl Berthelsen. Meeqqat: Erik  & Knud-Kristian Berthelsen
Suliffik Kommuneqarfik Sermersuumi sullissisoq
AWG-mut attuumassut
Kajumissutsimik peqatigiiffimmi N.A.I.P.-mi 2007-mili ilaasortaq. Ulloq manna tikillugu 2011-miit siulersuisuni ilaasortaq. Peqatigiiffipput assigiinngitsunik nersornaaserneqarnikuuvoq:
amatørteater forening N.A.I.P. Jeg har været  medlem siden 2007, Bestyrelsesmedlem siden 2011 til dd. , hvor vi i foreningen har modtaget forskellige priser f.eks. 
2011: Ukiumoortumik suliniuteqartunut nersornaat
2012: Kommuneqarfik Sermersuup peqatigiiffinnut nersornaasiuttagaat
2013:  Namminersorlutik Oqartussat kulturimut nersornaasiuttagaat
Soqutigisat
Peqatigiiffik NAIP, ilaquttat, angalanerit taavalu kulturilerisut nunanit allaneersut naapeqatigineri.

Ateq Bolethe Stenskov
Ukiut 49
Ilaquttat
Katissimasaq Poul Stenskov. Meeqqat: Minik, Nikki & Mikkel
Suliffik Multicenterimi aqutsisoq, Narsaq
AWG-mut attuumassut
Arctic Sport Dene Gamesimilu Mission staff-itut ukiut peqataaffiit: 2006-2008-2010-2012. VIP (Timersoqatigiit Kattuffiata siulersuisui sinnerlugit): 2014. AWG2016-mi Dene Gamesimi dommeritut toqqagaavunga. 
Soqutigisat
Nammineq Taekwon-Do aallutaraara, qernertumik qiteruteqarpunga (2 dan), Nunatsinni Taekwon-Do Kattuffimmi siulittaasuuvunga, aammalu Arctic Sport Greenlandimi siulersuisuni ilaasortaallunga

Ateq Laakkuluk Williamson Bathory
Ukiut 35
Ilaquttat
Qitornakka: Arnatuk Naja (qaammatit 10), Igimaq (6), Akutaq (10). Uiga: Stephen Williamson Bathory. Anaanaga: Karla Jessen Williamson. Aqqaluara: Nanoq Williamson. Anikka: Benjamin aamma Peter Williamson. Angajukka: Beth aamma Nora Williamson.
Suliffik Siulittaasoq Qaggiavuut Society for a Performing Arts. Isiginnaartitsisartoq, allattartoq.
AWG-mut attuumassut
Ambassadør. AWG2002mi Iqalunni ammaanersiornermi isiginnaartitsisoq.
Soqutigisat
Kalaaliminernik iganeq, ilaquttakka kammalaatikkalu ilagalugit illuaqqamiinneq, nunami pisunneq, umiatsiamik angalaarneq, snescootererneq.
Allanimmi?
Kalaallit Nunaanni Iqalunnilumi naggueqarpunga - nuannareqaaralu suliniutini peqataassallunga taakkunani piffinni innuttaasut imminnut qaninnerulertinnissaannut anguniagaqartunik. Soqutigisagummi assigiit amerlaqaat, paarlaasseqatigiinnerlu kikkunnut tamanut iluaqutaasarluni.

 

Ateq  Laarseeraq Skifte
Ukiut 64 
Ilaquttat
Nuliaq: Ane Sofie Skifte, Meeqqat: Aputsiaq Skifte & Arnannguaq Kristensen
Suliffik
Sisimiuni Inuusuttut Ornittagaanni ingerlatsisoq. Igloo Mountainimi aallartisaareqataasoq. 
AWG-mut attuumassut
Kalaallit Nunaat 1978-mi peqataatitaqaqqaarmalli AWG malinnaavigisarsimavaa. 2002-mi Nuummi AWG ingerlanneqarmat, ACR sinnerlugu aallartinnissaanut qaammat sioqqullugu nammineq kajumissutsiminik suleqataasimavoq, Dene Gamesimi pulateriaarsorfissaat, apummillu ilusiliat scenersuarlu Inussiviup silataaniittut sanaartorneranut akisussaasuusimalluni.
Soqutigisat
Sisoraatinik timersuutit tamarmik, Nunatsinni ineriartueqataaneq, piorsasimassuseq. "Soqutigisakka suliffinnut atatippakka, aamma aasaanerani sisorartarfik Apussuit ukiorpassuit samminikuuara. Nunarput nukittuutut isigivara, tassami aputiginnerpaajuvugut. Nutaanik eqqussisinnaaneq soqutigaara inuiaat artorsartinnagit, assersuutigalugu 1970-mi Nunatsinnut vandski eqqunnikuuara."

Allanimmi?
"Nunatsinni ineriartortitseqataanermi peqataavunga. Inuunera Nunatsinni meeqqanut inuusuttunullu sammitinnikuuara, oqariartuutigalugu uagut immitsinnut tatigissasugut, Nunarsuarmioqatigut allat assigalugit naleqarpugut."