Inuit pinnguaataanni, basketballtimi, sisoraaserluni ooqattaasarnermi, aputisiuserluni ooqattaasarnermi, ujakkaarnermi, eqqillit pinnguaataanni illup iluanilu arsamik unammiuaarnerit Arctic Winter Games 2016-inimi aalajangiisussat kingulliit aqagu ingerlanneqassapput.
 
Ujaminnattaat ataatsimut kisikkaanni maannakkut Alaska suli siuttuugallarpoq 170-inik ujamminnattaaqarallarlutik. Tulliuppullu 85-nik ujamminnattaaqarallarlutik Yukon, pingajuullutillu 66-inik ujaminnattaaqarallarlutik Alberta North.
 
Nunat peqataatitaqartut kuultinnattaat isigigaanni, taava Alaska siuttuuvoq 65-inik kuultinik ujaminnattaaqarlutik. Tulliuppullu 32-nik ujaminnattaaqarlutik Kalaallit Nunaat, pingajuugallarlutillu inissisimapput 22-nik minnerunngitsunik kuultinik ujaminnattaaqarlutik Yukon aamma Alberta North Canadameersut.
 
Issittut unammiuaarneranni Alaska 243-nik timersortartunik peqataatitaqarput, Yukon 235-it, North West Territories 217-it, North Alberta 191-it, Nunavut 142-t, Kalaallit Nunaat 121-t, Nunavik 57-it, Sapmit 31-t, Yamal sisamaannarnik peqataatitaqartoq.
 
Eqqaamallugu aqagu KNR-ikkut unammiuaarnerit aalajangersimasut toqqaannartumik isiginnaarsinnaagakkit, uunga iserlutit: http://youtube.com/knrgreenland